Суададжы скъолайы спортивон зал бындуронæй цалцæг кæнынц

Ацы аз нæ республикæйы сæрмагонд программæмæ гæсгæ цалцæггонд цæуынц хъæуты съколаты спортивон залтæ. Се 'хсæн Суададжы скъола дæр. Бындуронæй цалцæггонд рагæй нæ уыд. Ныртæккæ дзы арæзтадон куыстытæ кæронмæ фæхæццæ кæнынц. Суададжы скъолайы спортивон залы цалцæггæнæн куыстытæ кæронмæ фæхæццæ кæнынц. 1967 азæй абонмæ бæстонæй цалцæггонд нæ уыд. Уыцы рæстæгмæ бынтон заууатмæ æрцыд. Йæ царæй тагъди æмæ æркæлынæй тæссаг сси. Йæ пъолы уавæр дæр сæ хуыздæртæй нæ уыд. Ныр къухы бафтыд залмæ бындуронæй базилын. Ныридæгæн йын аивтой йæ цар. Æрхафтой къултæ æмæ сæ ногæй байсæрстой. Залæн йæ къултыл сæвæрдзысты сæрмагонд маттæ, цæмæй дзы сывæллæттæ æдасæй сæ рæстæг æрвитой. Залы ис  дзаумæттæивæн дыууæ уаты, æмæ уыдон дæр сног кодтой. Уыимæ ма дзы сарæзтой спортивон инвентарь дарынæн сæрмагонд бынат. Уæдæ ног кусæнгæзртæй дæр æххæстæй ифтонг уыдзæнис зал. Хæстæгдæр рæстæг уал дзы сæвæрдзысты баскетболæй хъазынæн щиттæ. Бæстыхайæн йе ‘ддаг бакастмæ дæр зилынц. Бæстыхайæн сахуырстой  йæ къултæ. Аразынц дзы æппæт хъæугæ уавæртæ. Зæгъæм, йе ‘нæниздзинад хъыгдæрд кæмæн у, уыцы сабитæн дзы аразынц пандус. Сабитæн нырыккон уавæрты спортæй архайынæн фадат кæй фæзындзæн, уый скъолайы директор, Козаты Зауырæн тынг æхсызгон у. Рагæй йæм æнхъæлмæ кастысты. Фыццæгæм сентябры ног цалцæггонд спортивон зал йæ дуæрттæ байгом кæндзæн Суададжы сабитæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv