Æхсæрысæры ныр цалдæр мæйы дæргъы æнтыстджынæй кусы бынæттон культурæйы хæдзар

Нæ республикæйы хъæуты цы ног арæзт æмæ цалцæггонд культурæйы хæдзæрттæ ис, уыдон æнтысджынæй кусынц. Арæзт цæуынц Федералон программæйы руаджы. Ис дзы æппæт хъæугæ уавæртæ дæр. Ахæм артдзæстæй иу у Æхсæрысæры культурæйы хæдзар. Кусы дыууæ мæйы дæргъы. Махæн не 'сфæлдытсадон къорд абалц кодта уырдæм. Чысыл бæстыхайы бæсты ног арæзт рæсугъд культурæйы артдзæст. Æхсæрысæры цæрджытæ ацы æхсызгон хабармæ рагæй æнхъæлмæ кастысты. Цалдæр мæйы размæ хъуыды дæр нæ акодтаиккой, ныр ахæм аив бынатмæ кæй цæудзысты, уый. Cæ сывæллæтты нал хъæудзæн скъолайы залы репетици кæнын. Уый бæсты ныр стыр æмæ уæрæх сценæ. Æхсæрысæры хъæуы хицау Езеты Анатолий куыд зæгъы, афтæмæй бынæттон цæрджытæ рагæй бæллыдысты ацы хъуыддагмæ. Уымæн æмæ Æхсæрысæры ис бирæ курдиатджын фæсивæд. Уыдонæн та хъуамæ арæзт цæуой сæрмагонд бынæттæ сæ хъомылады æмæ курдиаты райрæзтæн. Ацы культурæйы хæдзар Æхсæрысæры арæзт æрцыд Федералон программæйы руаджы. Ныртæккæ дзы ис æппæт уавæртæ дæр цæмæй сывæллæттæ сæхиуыл кусой. Культурæйы хæдзары ныртæккæ кусынц бирæ алыхуызон аивадон къордтæ. Алы кусæг дæр дзы зæрдæргъæвдæй архайы, цæмæй сывæллæттæ цухмацæмæй ййафой, уый тыххæй. Зæгъæм, ныртæккæ фæсивæд цæттæ кæнынц ног цымыдисаг мадзæлттæ. Культурæйы хæдзары кусджыты ныхæстæм гæсгæ ма ныртæккæ ам нæ фаг кæнынц адæмон инструменттæ. Фæлæ уыдон дæр цыбыр рæстæгмæ хъуамæ æлхæд æрцæуой. Æсхæрысæры культурæйы артдзæсты кусджытæм фидæнмæ ис бирæ пълæнттæ. Фидæны сæ фæнды хихъæппæрисадон къордтæ байгом кæнын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv