Дыгургомы уыдзæн «Дигория», зæгъгæ, æрыгон политологты æппæтуæрæсеон форум

Цæгат Ирыстоны ацы хуыцаубон райдайдзæн «Дигория», зæгъгæ, æрыгон политологты æппæтуæрæсеон форум. Аххæсдзæн къуыри. 15-æм сентябрæй 21 -æм мæ. Мадзалы архайдзысты 150 фæсивæды минæвары. Сæ кар 18 азæй 35 азы онг кæуыл цæуы, уыдон. Се `хсæн социалон-политикон наукæты къабазы æрыгон иртасджытæ. Форумы программæйы лекцитæ нæ бæстæйы раззагдæр специалисттæй. «Россия - страна возможностей», зæгъгæ, концепцийы фæлгæты архайджытæ бакусдзысты нæ бæстæйы фидæны фæлгонцыл. Форум аразджыты ныхæстæм гæсгæ мадзалы сæйраг нысан- политикон наукæты ног æмæ цымыдисаг хъуыдытæ равдисын. Хуыгаты Зауырбег, мадзал аразæг: «Нæ сæйраг нысан- уæрæсейы фидæны фæлгонц снысан кæнын. Национ проектты кæцытæ фæархайынц, уыдон нæ фæлæ фæсивæд аргъ цы хъуыддæгтæн кæнынц, уыцы хъуыдытæ фæнысан кæнын. Уымæн æмæ раздæр æрыгон адæмы ничи ма бафарста цавæр хъуыддæгтæн аргъ кæнынц уымæй. Æмæ ныр æрыгон политологтæн фадат ис Уæрæсейы фидæныл бакусын». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv