Уæрæсейы æрдзон æвæрæнты министр Дмитрий Кобылкин бахæс кодта хауæццæгтæ æмбырдгæнæн цадты рекультив

Æрдзæн зиан чи хæссы, уыцы хауæццæгтæ æмбырдгæнæн цадтæ хъуамæ рекультивацыгонд ацы азы кæронмæ фæуой. Ахæм хæслæвæрд радта Уæрæсейы æрдзон æвæрæнты министр Дмитрий Кобылкин. Уыцы æмгъуыдмæ куыстытæ чи не*ххæст кæны, уымæ хъæуы лæмбынæг цæст æрдарын. Уавæрмæ бæрнон кусджытæ æркастысты сæрмагонд æмбрыды. Ацы аз, «Чистая страна», зæгъгæ, федералон проектмæ гæсгæ райдыдтой хауæццæгтæ æмбырдгæнæн бынæттæ рекультваци кæнын. Уæрæсейы 12 регионы ахæм куыстытæ кæнынц 48 бынаты. Уыцы хыгъды ис Цæгат Ирыстон дæр. Уналы хауæццæгтæ æмбырдгæнæн цад хъуамæ банывыл кæной ацы азы кæронмæ. Уый тыххæй хъусын кæнынц нæ республикæйы профилон министрадæй. Зæхх хуым кæнынц, æлыг дзы калынц. Цады алыварс та амайынц æфсæйнаг æмæ бетонæй конд къул. Иннæ азмæ, арæзтадон компани фæнд кæны дзы кæрдæгджын бынат саразын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv