Дзæуджыхъæуы аэропорт кусын райдайдзæн æхсæвæй-бонæй

Дзæуджыхъæуы аэропорт кусын райдадзæн æхсæвæй-бонæй. Республикæйы хъуамæ байгом уой Мæскуымæ уæлæмхасæн рейсытæ. Æххæст сæ кæндзысты æхсæвыгон. Аэропорты куысты фæтк дæр уымæн ивынц. Уый тыххæй хъусын кæны информацион портал «15 Регион» республикæйы промышленность æмæ транспорты министр Хайдарбек Бутовы ныхæстыл æнцайгæйæ. Бæрнон кусæг куыд фæбæрæг кодта, афтæмæй аэропорты куыст фæахадгæдæр кæныны хæс йæ ныстуаны фæбæрæг кодта республикæйы сæргълæууæг Битарты Вячеслав дæр. Ныридæгæн æм бавнæлдтой. 1-æм майæ фæстæмæ уал Дзæуджыхъæуæй фыццаг бæлццæттæ араст сты Ростовмæ. Уый къухы бафтыд республикæйы бюджетæй фидгæ субсидийы фæрцы. Сæрды фыццаг бонимæ та нæ республикæйæ фыццаг хæдтæхæг апæррæст кæндзæн Сочимæ. Уæдæ Мæскуымæ рейсытыл кæй бафтдзæн, уый дæр фехъуыстат. Ныртæккæ ма министрады кусынц уæлдæфон хызæгыл ног тынтæ бафтауыныл. Гæнæн ис, æмæ ма Дзæуджыхъæуæй хæдтæхджытæ абалц кæндзысты Ереван æмæ Тбилисимæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv