Дзæуджыхъæуы байгом æрмадз "Арион"-ы равдыстыты зал
Дзæуджыхъæуы байгом æрмадз "Арион"-ы равдыстыты зал. Æрмдæснытæ Æлборты Аслан æмæ Виталий цардмӕ здахынц Аланийы культурӕ ӕвдисӕг дӕсныйӕдтӕ. Куыстуат фыццаг аз нæ кусы. Абон адæмы рæгъмæ рахастой дæсгай экспонаттæ - кæрдтæ, згъæрхæдæттæ, сылгоймаг æмæ нæлгоймаджы уæлæдарæс, хæцæнгарз æмæ æрвылбоны царды хъæугæ дзауматæ. Алы куыстыл дæр цыд бирæ архайд. Æрмдæснытæ пайда кодтой æрмæст æрдзон æрмæджытæй: хъæд, сæрак, стæг, сырдты сыкъатæ. Фенæн ма дзы ис бынæттон нывгæнджыты куыстытæ дæр. Æрмадз бабæрæг кодта республикæйы сæргълæууæг Сергей Меняйло дæр. Федта æппæт куыстытæ дæр. Куыд фæнысан кодта, афтæмæй равдыстыты ахæм залтæм хъуамæ æнæмæнг цæуой фæсивæд.
Дзæуджыхъæуы байгом æрмадз "Арион"-ы равдыстыты зал. Æрмдæснытæ Æлборты Аслан æмæ Виталий цардмӕ здахынц Аланийы культурӕ ӕвдисӕг дӕсныйӕдтӕ. Куыстуат фыццаг аз нæ кусы. Абон адæмы рæгъмæ рахастой дæсгай экспонаттæ - кæрдтæ, згъæрхæдæттæ, сылгоймаг æмæ нæлгоймаджы уæлæдарæс, хæцæнгарз æмæ æрвылбоны царды хъæугæ дзауматæ. Алы куыстыл дæр цыд бирæ архайд. Æрмдæснытæ пайда кодтой æрмæст æрдзон æрмæджытæй: хъæд, сæрак, стæг, сырдты сыкъатæ. Фенæн ма дзы ис бынæттон нывгæнджыты куыстытæ дæр. Æрмадз бабæрæг кодта республикæйы сæргълæууæг Сергей Меняйло дæр. Федта æппæт куыстытæ дæр. Куыд фæнысан кодта, афтæмæй равдыстыты ахæм залтæм хъуамæ æнæмæнг цæуой фæсивæд.