Æрыдоны цы куыдзы фехстой, уый дзæбæх кæндзысты Мæскуыйы

Цалдæр боны размæ Æрыдоны цы куыдзы `хстой, уый дзæбæх кæндзысты мæскуыйаг специалисттæ. Бархионтæ куыд зæгъынц, афтæмæй куыдзы аластой нæ бæстæйы сæйраг горæтмæ. Уæ зæрдыл уын æрлæууын кæндзыстæм, социалон хызы хъусынгæнинаг кæй апарахат, куыдзæн æгъатыр ми кæй бакодтой, уый тыххæй. Бархионты ныхæстæм гæсгæ, куыдз адæмæн тæссаг ницæмæй уыд. Плиты Маринæ, бархион: «Мæнмæ телефонæй æрбадзырдтой æмæ мын загътой, зæгъгæ, мæ куыдз зæхх ракъахта æмæ ралыгъд быдырмæ. Адæм дзы æппындæр нæ уыд. Хæцгæ никæуыл кодта, æрмæст иннæ къæбылатимæ хъазыд. Тæссаг дзы никæмæн уыд. Уæдæ знæт дæр нæу, цæмæй искæуыл фæхæца». Ацы хъуыддаг Мидхъуыддæгты министрад æвзары. Уагдоны куыд фехъусын кодтой, афтæмæй гуырысхо кæуыл кодтой, уыцы нæлгоймаджы æрцахстой. Уый разынд æрыдойнаг 57-аздзыд нæлгоймаг. Цы граждайнаг хæцæнгарз æм ссардтой, уый арвыстой экспертизæмæ. Басгæрсты хатдзæгтæм гæсгæ йын рахæсдзысты уынаффæ. Нæлгоймагмæ ацы знаггад ракæныны тыххæй æнхъæлмæ кæсдзæн ахæстоны 3 азæй 5 азы бæрц фæбадыны тæрхон. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv