Æрыгон ахуыргæндтæ

Цæгат Ирыстоны металлурги æмбæлгæ æмæ ахадгæ бынат кæй ахсы, уымæн æвдисæн Цæгат Кавказы Хæххон-металлургон институты стунденттæ ацы хъуыддаджы цы æнтыстдзинæдтæ æвдисынц, уыдон. Студентты къорд «Сталь» архайдта æркаст «Metall Cup 2018»-ы. Сæ проект æнтысджынæй равдыстой. Сæ ныфсыл ныфс бафтыд, фæзынд сæм ног хъуыдытæ. Къорды 5 адæймаджы. Алчидæр сæ йæхи куыст кæны. Чи экономикон фарстатæн дзуапп дæтты, чи лабораторон иртæстытæм сæрæн у. Фæсивæд æмгыст кæнынц.Сæ хъуыдымæ гæсгæ, æнгом къорд кæй сты уый сын тынг баххуыс сæ куыст нывылæй равдисынæн æмæ сæ проекты сæйраг нысан раргом кæнын. Æрыгæттæ цы проектыл бакуыстой. уый банымайæн ис ногдзинадыл. Проектмæ гæсгæ хауæццæгтæй сарæзтой ссадæг. Цæмæй арæзт у, уый дæр цымыдисаг у.Скодтой йæ хъæндзинæдтæ кæм ис, ахæм фидар æмтадты уæлдæйттæй æмæ хауццæгтæй. Ахæм ссадаг-продукци дзуапп дæтты паддзахадон домæнтæн. Студенттæ куыд зæгъынц, афтæмæй, сын стыр æххуы бакодтой сæ кафедрæты профессортæ. Æнæ уыдоны ахадгæ æххуысæй сæ фæндтæ сæ къухы афтæ æнцонтæй нæ бафтыдаиккой. Уымæн æмæ сын сæ уæздан хистæртæ канд зонд нæ амонынц, фæлæ ма сын се`нтыстдзинæдтыл зæрдиагæй цин кæнынц, сæ сæртæ сæ бæрзæндты хæссынц. Æркасты фæстæ къорд «Сталь»-ы проектыл цалдæр хæххон -металлургон компанийы сæ цæст æрæвæрдтой. Цымыдисаг сæм фæкаст. Æрыгæтты уый ног тых æмæ ныфс бауагъта, фидæнмæ сæм фæзынд ног пълæнттæ. Фæнды сæ бацархайын ног чемпионаты, фæлæ ног проектимæ. Бакусын нæ республикæйы туристон инфраструктурæйы рæзтыл. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv