«Электроцинк»-ы хауæццæгтыл бакусыны хъуыддаг, гæнæн ис, æмæ бахæсдзысты паддзахадон программæмæ

«Электроцинк»-ы хауæццæгтыл бакусыны хъуыддаг, гæнæн ис, æмæ бахæсдзысты паддзахадон программæмæ. Уый тыххæй ТАСС-æн фехъусын кодта Дзæуджыхъæуы муниципалон сконды разамонæг Икъаты Русланбег. Ныртæккæ завод «Электроцинк» йæ хауæццæгтæ дарддæр ласы æндæр рæттæм. Уый фæстæ сæ ногæй бакусдзысты Уралы промышленнон куыстуæтты. Клинкеры фæдыл та хуынд уыдысты инвестортæ, æрвыстам сын клинкеры буаргъæдты хуызæгтæ, цæмæй ссарæм, кæдæм сæ ’рвитæм, ахæм бынат. Ныридæгæн ма рекультивацигонд цæуынц Уналы æмæ Фыййагдоны хауæццæгтæ æмбырдгæнæнтæ дæр, фæнысан кодта Икъаты Русланбег. «Электроцинк»-йæ рæстæджы уыд Уæрæсейы раззагдæр металлургийы куыстуæттæй иу. Цæгат Ирыстоны та æппæты стырдæр. 2017 азы дзы бакуыстой сондоны туагады 123 тоннæйы, цинчы 73 тоннæйы æмæ кадмийы 307 тоннæйы. Уæдæ кусджыты къорд та уыд 2 мин адæймагмæ ’ввахс. Завод куы сæхгæдтой, уæд нæ республикæйы куыстдæттыны комитетмæ куыстагурæг æрбацыд Иу мин æмæ 100 адæймагæй фылдæр. Комитеты куыст ссардтой 15 адæймагæн, 28 адæймаджы та куыст ссардтой хи `гъдауæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv