Хоры зарæггæнджытæ сæ курдиатæй аивадуарзджыты зæрдæтæ барухс кодтой

Уæллæй, бæстæ - бæрæгбон! Зæгъæм, Дзæуджыхъæуы дæр дзы иу сарæзтой. Хоры зарæггæнджытæ сæ курдиатæй аивадуарзджыты зæрдæтæ барухс кодтой. Республикæйы сывæллæтты сфæлдыстадон галуаны уыд зарæггæнджыты конкурс. Мадзал сбастой Къæбойты Николайы 65 азы бонимæ. Уымæ гæсгæ азæлыдысты юбиляры зарджытæ дæр. 95 азы та сæххæст уыдаид Ачеты Аркадийыл. Уый уыдис республикæйы хоры зарæггæнджыты змæлдæн йæ бындурæвæрджытæй иу. Ацы конкурс бабастой уый номимæ дæр. Архайдтой дзы Дзæуджыхъæуы æмæ районты скъолатæ. Фестиваль сарæзтой 40-æм хатт. Дзæуджыхъæуккаг къæпхæны æнтыстджынæй сæхи равдыстой 45-æм, 34-æм æмæ 36-æм скъолаты ахуырдзаутæ. Æдæппæтæй фестивалы архайынц 20 коллективæй фылдæр. Уæлахидзаутæн балæвар кæндзысты дипломтæ æмæ зæрдылдарæн лæвæрттæ. Конкурсы сæйраг нысан уыд хоры зарыны фæтк сывæллæттæн бауарзын кæнын. Мадзал аразджытæ та сты республикæйы ахуырад æмæ наукæйы министрад. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv