184 милуан сомæй фылдæр рахай кодта «Россети Цæгат Кавказ»

184 милуан сомæй фылдæр рахай кодта «Россети Цæгат Кавказ» нæ республикæйы энергообъектты цалцæггæнæн куыстытæ баххæст кæнынæн. Специалисттæ ныридæгæн куыстытæ бакодтой 76 тыхдæттæн центры. «Цæгаткавказэнерго»-йы филиалы директор Таболты Алыксандры ныхæстæм гæсгæ, цалцæггæнæн программæйы фæрцы, æнæнхъæлæджы цаутæ фæкъаддæр уыдзысты. Сæрмагонд цæстдард аздахтой ахсджиаг нысаниуæг кæмæн ис, ахæм энергообъекттæм. Уыдонæй аразгæ уыдзæн æнæхъæн районты адæммæ электрон тых æнæкъуылымпытæй цæудзæн æви нæ, уый. Уæ зæрдыл уын æрлæууын кæндзыстæм, ацы бонмæ «Цæгаткавказэнерго»-йы кусджытæ сæрмагонд центрты сцалцæг кодтой дæлстанцæты кусæнгæрзтæ, уыимæ ма тыхдæттæн трансформатортæ дæр. Энергетиктæ сцалцæг кодтой 225 километры электрон тыхы телтæ, ногтыл раивтой 235 изоляторы. Æрыдоны районы, бæлвырддæр та Рассвет, Нарт, Кировæйы, Фыййагдоны æмæ Къостайы хъæуты дæр фæхузыдæр кодтой электрон тыхы хæрзхъæддзинад. Уым дæр ивд æрцыдысты электрон тыхы телтæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv