Санкт-Петербургæй эксперттæ æркастысты Намысы мемориалы цыртдзæвæнты уавæрмæ

Санкт-Петербурджы æрмадз «Петрополь»-ы эксперттæ аргъ скодтой Дзæуджыхъæуы Намысы мемориалы цыртдзæвæнты уавæрæн. Сæ сæйрагдæр - Сыгъдæг Георгий Уæлахизхæссæджы цæджындз у уæлдай тынгдæр базилинаг. Мидæгæй дзы донбадæнтæ равзæрд æмæ хæлы. Къулыл нывтæм дæр реставратортæ æркастысты. Куыстытæ банымадтой иттæг хорзыл, фæлæ уыдонæн дæр сæ мозаикæ сабыргай пырх кæны, уымæн æмæ йыл нæй хъахъхъæнгæйæ цы цъар бакæна, ахæм æмбæрзт. Уымæй уæлдай ма специалисттæ æркастысты объекттæ «Послы у императрицы», бахизæн аркæ; цыртдзæвæн «Хъыггæнæг мад» æмæ панорамæмæ. Фиппаинæгтæ дæр сæм разынд. Плиткæйы æвæрд дæр сæ хуыздæртæй нæу. Экспертты ныхæстæм гæсгæ, цыфæнды сахат дæр цыртдзæвæн, гæнæн ис, æмæ рахауа. Фæлæ фарстатæ иууылдæр ис аиуварс кæнæн.