Цæгат Ирыстонмæ æрбацыд Александр Матовников

Цæгат Ирыстонмæ кусæг балцы ссыд Уæрæсейы президенты æххæстбарджын минæвар Цæгат Кавказы федералон зылды Александр Матовников. Нæ республикæйы фыццаг хатт нæй. Ацы хатт бабæрæг кодта Мæздæджы район. Цавæр объекттыл æрзылд, цы федта æмæ цавæр хатдзæгтæ скодта, уый тыххæй нæ дарддæры æрмæджы. Александр Матовников æппæты фыццаг бабæрæг кодта Мæздæджы мемориалон комплекс. Уæрæсейы президенты æххæстбарджын минæвар Цæгат Кавказы федералон зылды æмæ нæ республикæйы сæргълæууæг дидинджытæ сæвæрдтой чысыл аргъуаны цур. Раздæр ацы ран уыд æфсæддон рынчындон. 2003-æм азы 1-æм августы йæ террорист срæмыгъта. Уыцы теракты фæмард 52 адæймаджы, 80-йæ фылдæр та фæцæф сты. Фæстæдæр бабæрæг кодта Мæздæджы центрон рынчындоны цы онкологон диспансеры хайад байгом кодтой, уый. Ныр рынчындоны цалдæр блочы кæнынц цалцæг. Александр Матовников базыдта, куыстытæ куыд цæуынц æмæ рынчындоны чи кусы, уыдоны тыххæй. Александр Матовников ма бабæрæг кодта паддзахадон тырысайы боны кадæн адæмон хæзтытæ æмæ концерт. Мæздæджы цæрæг адæмы хæттытæ сарæзтой сæ культурæ æвдисæг равдыстытæ. Уæрæсейы президенты æххæстбарджын минæвар федта се ппæт дæр. Саходыдта сын сæ национ хæринæгтæй дæр. Бынæттон администрацийы Александр Матовников фембæлд республикæйы сæргълæууæг Битарты Вячеславимæ. Æрдзырдтой районы социалон экономикон фарстатыл. Александр Матовников бафиппайдта, районы бирæ кæй сты, уый. Донуадзæн æмæ хъармдæттæг хызæгты 80% ивинаг сты, сæ пайда мгъуыд фæци. Фæндæгтæ та бынтон æвзæр сты. Æххæстбарджын минæвары ныхæстæм гæсгæ, Мæздæджы районы фæндæгтæ Цæгат Кавказы федералон зылды æппæтæй æвзæрдæр сты. Александр Матовников:  «Дорога, по который мы ехали, Прохладный-Моздок, она отвратительная, и говорить о том, что там военная техника ездит, так она везде ездит. Мы конечно говорили с главой, что на 19-ый год планируется здесь сосредоточить усилия, но сейчас -то тоже надо что-то сделать». Республикæйы фæндаггон хæдзарады комитеты сæрдар Солиты Тариэль радзырдта ацы аз сæ цалцæгæн 150 милуан сомы кæй радих кодтой. Ффæбæрæг кодта æндæр фарста дæр. Дзæуджыхъæуæй Мæздæгмæ 60 километры фæндаджы хай заууат уавæры кæй ис. Бындуронæй йæ сцалцæг кæнынæн 2 миллиард сомæй фылдæр хъæуы. Республикæмæ уый бæрц æхца нæй. Битарты Вячеслав бабар кодта Уæрæсейы транспорты министрадмæ федералон центрæй æххуыс райсынæн курдиат арвитын. Александр Матовников:   «Республикæйы сæргълæууæгимæ баныхас кодтам, фыццаг балц Мæздæджы районмæ кæй уыдзæн, ууыл. Уымæн æмæ мæ хъуыдымæ гæсгæ, Мæздæджы район хъуамæ ног цард райдайа. Фæлæ лыггæнинаг фарстатæ бирæ ис. Районы рæзты тыххæй арæзт æрцæудзæн цалдæр æмбырды. Уымæй уæлдай ма бæстæйы президент дæр ацы фарстатæм йæ цæст дары. Нæ зæрдæ дарæм, иннæ аз Мæздæджы район размæ кæй рацæудзæн, ууыл.» Радон хатт Александр Матовников Цæгат Ирыстонмæ æрцæудзæн 3-æм сентябры. Архайдзæн Беслæны амæттæгты номарæн мадзæлтты æмæ æрдзурдзæн Рахизфарсы районы уавæрыл. Зыхъуаты Жаннæ, Биджелты Бертæ, Виктория Базгадзе, Гæбуаты Артур, Ирыстоны хабæрттæ _ Мы рядом в: vk.com/irystontv instagram.com/irystontv youtube.com/irystontv twitter.com/irystontv