Интернационалон хæс

Йæ интернационалон хæс чи сæххæст кодта, уыцы салдæттæн Беслæны байгом кодтой цыртдзæвæн. Конд у Рахизфарсы районæй Афганистанмæ чи ацыд, æмæ 1979-æм -1989-æм азты чи бацарæфтыд, уыдоны номыл. Кадджын мадзал сбастой, 39 азы кæй рацыд Советон æфсæддонты Афганистанмæ куы арвыстой, уыцы цауимæ. Рахизфарсы районæй Афганы зæххмæ арвыстой 67 адæймаджы. Цыппарæй дзы хъæбатырæй тохы быдыры фæмард сты. Цыртдзæвæн конд у сау къæйдурæй. Йæ хуыз ын саив кодтой бронзæйæ конд сау дидинæгæй. «Чёрный тюльпан» - афтæ хуыдтой Афганистанæй советон салдæтты мæрдтæ хæсты рæстæг чи ласта, уыцы хæдтæхæг. Мадзалы архайджытæ минут æдзæмæй алæууыдысты, уый фæстæ цыртдзæвæныл сæвæрдтой дидинджытæ. Йæ байгом кæныны хъуыддаджы чи баххуыс кодта, уыдоны схорзæхджын кодтой кады гæххæттытæ æмæ майдантæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv