«Цæгаткавказэнерго» Алагиры районы хæдзæртты сарæзта рейдтæ

Иу хæдзарæй пъырыстыфтæ сæ хæсы ныхмæ байстой телевизор æмæ гæрзтæхсæн машинæ. 10 боны æмгъуыдмæ фиддонтæ куы бахæссой, уæд сын сæ фæстæмæ ратдзысты. 15 хæдзарæн арвыстой сæрмагонд хъусынгæнинæгтæ. Кусæг къорд каст, электрон тых æнæнымадæй чи хардз кæны, уыцы хæдзæрттæм дæр. Йæхи æгъдауæй рухс чи бауагъта, уыдоны электрон тыхæй уый фæстæ фæиппæрд кæндзысты. Цæрджытæ хаттæй-хатт саразынц алыхуызон схемæтæ, цæмæй электрон тых нымайæны нысангонд ма цæуа, уый тыххæй. Ахæмты «Цæгаткавказэнерго»-йы кусджытæ куы рабæрæг кæной, уæд сыл скæндзысты акттæ. Афтæмæй уыдон æфхæрд баййафдзысты. Иуæй-иу хæдзæртты нымайæнтæ та ма дзуапп нæ дæттынц нырыккон домæнтæн, нал кусынц, æмæ сæ хъæуы баивын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv