Сывæллæтты æдасдзинады тыххæй Æрыдоны районы аразынц профилактикон мадзæлттæ

Сывæллæтты æдасдзинады тыххæй Æрыдоны районы аразынц профилактикон мадзæлттæ. Ног Азы бæрæгбæттæ кæй æрхæццæ кæнынц, уымæ гæсгæ Цæгат Ирыстоны мидхъуыддæгты министрады Æрыдоны районы æнахъом сывæллæтты бартæ хъахъхъæныны хайады инспектортæ скъолаты аразынц профилактикон акци. Пъæлицæйы кусджытæ Ногъайты Зæлинæ æмæ Еналдыты Беллæ скъолазаутæн бакастысты лекцитæ. Уым сын фæнысан кодтой æнахъом сывæллæттæ пиротехникæимæ кæй фæархайынц, уый арæх æвзæр фæстиуджытæм кæй расайы. Барадхъахъхъæнджытæ сабитæн радзырдтой петардæтæ, фейерверктæ уадзгæйæ æдасдзинады домæнтæ æххæст кæнын кæй хъæуы. Бæстыхайы сæ пайда кæнæн кæй нæй, уый дæр сын бамбарын кодтой. Ахуырдзаутæн ма равдыстой видеормæджытæ. Уым æвдыст æрцыд пиротехникæйæ раст не спайда кæнгæйæ фыдбылызмæ цы цаутæ расайдтой, уыдон. Мадзалы рæстæг сывæллæттæ бæстонæй байхъуыстой инспектортæм. Лæвæрдтой сæм фæрстытæ. Кæронбæттæны ма хистæртæ ныстуаны хуызы загътой сабитæн, цæмæй æдасдзинады домæнтæ æххæст кæной. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv