Пермы оперæ æмæ балеты музыкалон театры ног сæйраг режиссер сси Гуæцæлты Марат

Пермы оперæ æмæ балеты музыкалон театры ног сæйраг режиссер сси Гуæцæлты Марат. Не `мзæххоны сæвæрдтой, раздæры режиссер Теодор Курентзис йæ бынатæй куы ацыд, уый фæстæ. Гуæцæлы фырт уый размæ уыд Санкт-Петербурджы, Александринаг театры Ног сценæйы разамонæг. Ног режиссеры сæйраг хæс уыдзæн театры репертуар цымыдисагдæр скæнын æмæ йæ фæхъæздыгдæр кæнын. Фадат ын уыдзæн спектакльтæ æвæрынмæ, æндæр режиссерты хонын æмæ эстетикон æгъдауæй театры цардыл хуыздæрырдæм сахадын. Гуæцæлты Марат раздæр куыста драматурги æмæ режиссурæйы центры аивадон разамонæджы хæдивæгæй Мæскуыйы. Уый размæ та Таллины Уырыссаг театры аивадон разамонæгæй. Алесандринкæйы Ног сценæйы сæргълæууæг уыд 2013-æм - 2016-æм азты. Пермы музыкалон театр нымад у Уæрæсейы зæронддæр театртæй иуыл. Арæх свæййы конкурс «Сыгъзæрин маска»-йы премийы лауреат. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv