Проект «Интерактивная Осетия» кæны кæронбæттæн

Проект «Интерактивная Осетия» кæны кæронбæттæн. Йæ аразджытæ йыл афæдзæй фылдæр куыстой. Уый у сæрмагонд портал, æвдыст дзы цæуынц Цæгат Ирыстоны рæсугъд бынæттæ æмæ историон нысаниуæг кæмæн ис, ахæм объекттæ. Фенæн дзы ис 400 архитектурон цыртдзæвæнæй фылдæр. Се`хсæн мæсгуытæ, зæпæдзтæ æмæ æндæр культурон арæзтадтæ. Объекттæ æвдыст цæуынц аэро æмæ уæлвæзон егъау нывты хуызæн, 3D къамтæ æмæ видеоæрмæджытæ. Проект сæххæст кодтой президенты грант æмæ хи фæрæзтæй. Архайдтой дзы Цæгат Ирыстоны паддзахадон университеты историон факультеты студенттæ æмæ ахуыргæнджытæ. Сайт байгом кодтой, фæлæ нырма кусы фæлварæны хуызы. Ныридæгæн, порталы аразджытæ цæуынц республикæйы районтæм æмæ скъоладзаутæн амонынц, сæ сайт ахуыры куыд пайда уыдзæн, уый. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv