Æфсæнвæндаджы лæвар

Зæххы къорийыл балцытæй хуыздæр ма цы ис, уæлдайдæр ныртæккæ цы нывтæ федтат, уымæ гæсгæ. Ууыл рагацау ахъуыды кодтой Уæрæсейы æфсæнвæндæгты хæдзарады дæр. Афтæмæй Цæгат Ирыстоны бæлццæттæн фадат фæуыдзæн Сау денджызы былгæрæттæ бабæрæг кæнынæн. Уырдæм сæ аскъæфдзысты уæлæмхасæн поездтæ. Фæткмæ гæсгæ, бæлццæтты нымæц ахæм дæргъвæтин улæфæн бонты зынгæ фæфылдæр вæййы. Бирæтæ дзы уыцы рæстæгмæ сæхицæн снысан кæнынц цыбыр æмгъуыдмæ сæ куыст фæуадзын дæр. Афтæ, зæгъæм, 679-æм номыримæ цæуæг поезд Дзæуджыхъæуæй Адлермæ уæлæмхасæн хуызы араст уыдзæн 30-æм апрелы æмæ 10-æм майы, Адлерæй та 680-æм поезд иннæ бонтæй дарддæр фæстæмæ здæхдзæн 1-æм æмæ 11-æм майы. Билеттæ сæм балхæнæн ис ныртæккæ дæр æфсæнвæндаджы кассæты. Уырдæм цæуынмæ чи зивæг кæна, уыдонæн сæ бон спайда кæнын у хи хæдзары интернетæй, кæнæ та суанг чырæгон телефонæй дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv