Æфсæддон хъуыддаг

Цæгат Ирыстоны паддзахадон университеты тагъд рæстæджы байгом кæндзысты æфсæддон кафедрæ. Абоны æмбырды ныхас кодтой  «æфсæддон ахуырадон центр» байгом кæныны фарстайыл. Ахуыр дзы кæндзысты 2 азы. Кафедрæ равзарын йæ бон у университеты студенттæй алкæмæн дæр. Сæйраг у конкурсы домæнтæ сæххæст кæнын. Æдæппæттæй дзы ахуыр кæндзысты 90 адæймаджы. Æвдисæндаримæ ма рауагъдонтæ райсдзысты æфсæддон билет æмæ сæ уæд æфсады службæ кæнын нал хъæудзæн. Уæ зæрдыл уын æрлæууын кæндзыстæм, сентябры УФ-йы хъахъхъæнынады министрад сарæзтой æфсæддон коллеги. Уым фехъусын кодтой , кафедрæтæ цы уæлдæр ахуыргæнæндæтты фæзындзысты, уыдоны номхыгъд. Се `хсæн уыд Цæгат Ирыстоны паддзахадон университет дæр. Июны УФ-йы хъахъхъæнынады министрады къамис æркаст Къостайы номыл университеты уавæртæм. Ахуыр райдайдзæн иннæ аз. Цæгат Кавказы ахæм кафедрæ нырма никуы Огъуаты Алан:  «Ацы кафедрæ 20 азы кæй нæ уыди, уый тыххæй фæсивæдимæ æфсæддон-хъомыладон куыст дæр куыд æмбæлы, афтæ нæ цыд. Ацы хъуыддаг саразыны бантыст республликæйы хицауады фæрцы. Ацы æфсæддон-ахуырадон центрæн ис хорз фидæн». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv