«Сандал сааһы уруйдуу көрсөр оһуохай түһүлгэтэ»

Муус устар 14 күнүгэр «Чороон» норуот айымньытын киинин, саҥа уораҕайын «Арчы» саалатыгар «Сандал сааһы уруйдуу көрсөр оһуохай түһүлгэтэ» тэрилиннэ. Кыттыыны ыллылар Нам улууһун оһуохай түмсүү салайааччыта Евсеева Татьяна Ивановна, Саха Республикатын Дархан этээччитэ Хорунов Валентин Васильевич, П.П.Ядрихинскай-Бэдьээлэ аатынан Олоҥхо дьиэтин дириэктэрэ Колпашникова Вера Васильевна, Хатыҥ-Арыы нэһилиэгин Ытык киһитэ, тойуксут, оһуохайдьыт Сивцева Варвара Наумовна, Хатыҥ-Арыы ветераннарын сэбиэтин бэрэссэдээтэлэ Лебедева Оксана Ивановна, ыалдьыттар Бястинова Мария Михайловна, Черноградская Людмила Павловна, Егорова Зинаида Ивановна, Хордогосова Нина Иннокентьевна уонна оһуохайы сэргиир нэһилиэкпит ытык мааны аҕам саастаахтара. Ыам ыйыгар самаан сайыны көрсө оһуохай түһүлгэтин Хатыҥ-арыы нэһилиэгэр ыытарга былааннаатыбыт, оҕотуттан саҕалаан аҕам саастаах дьоммутун бука барыыгытын ыҥырабыт.