Афæдзы хæттдзæгтæ

Гъер, уыцы уæлдай ахсджиаг къабæзтæй иу, æнæнмæнг, у - æнæниздзинадхъахъхъæнынад. Йæ райрæзтыл ныры онг кустой æмæ дарддæр дæр кусдзысты. Уый тыххæй республикæйы сæргълæууæг хъæугæ уынаффæтæ бахаста. Йæ ныхæстæм гæсгæ, ацы аз базилын хъæуы 46 медицинон объектмæ. Фæлæ, цæмæй раппæлæм уый ис - ныридæгæн сцалцæг кодтой районты рынчындæттæ - Алагиры æмæ Рахизфарсы. Цæттæ у Мæздæджы поликлиникæ. Ацы аз капиталон цалцæджы фæстæ байгом кæндзысты Æрыдоны районы рынчыдон дæр. Ног корпустæ сараздзысты республикон сывæллæтты рынчындоны. Дæрддзæф районтæм медицинон æххуыс цæмæй тагъд цæуа, уый тыххæй сифтонг кодтой фелшырон акушерон пункттæ. Тагъд рæстæджы амбулаторитæ байгом кæндзысты Тарскæйы, Сунжæ æмæ Хъызлары. Фæзындзæн ма нæм вертолет дæр, цæмæй рынчынты тагъд æххуысмæ хæццæ кæной. Уыцы иу рæстæг республикæ архайы 7 национ проекты æнæниздзинады къабазы. Уымæн æхцайы фæрæзтæ ис - 1 миллиард сомæй фылдæр. Сæ фæлгæты ма арæзт цæуы Тарниздзæбæхгæнæн диспасер дæр. Нæ уацхæссæг Къумæллæгкаты Фатимæ аныхас кодта рынчындоны сæйраг дохтыримæ æмæ базыдта цы сын бантыст, уый. Йæ цæст æрхæцыд æппæт къабæзтыл дæр æмæ сын скодта хатдзæгтæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv