Бирæсывæллонджын ныййарджытæн раарфæ кодтой социалон лæггæдты центры специалисттæ

Мадæлты боны фӕдыл ма Дзæуджыхъæуы бирæсывæллонджын мадæлтæн раарфæ кодтой Ирыстойнаг районы социалон лæггæдты комплексон центр æмæ Æппæтуæрæсеон адæмон фронты уæнгтæ дæр. Фæсивæдимæ сын иумæ бацæттæ кодтой хъæлдзæг программæ. Сабитæ кастысты æмдзæвгæтæ, зарыдысты. Сæ ныййарджытæн балæвар кодтой, сæхæдæг кæй сныв кодтой, ахæм портреттæ. Æппæтуæрæсеон адæмон фронты уæнгтæ та сылгоймæгтæн балæвар кодтой дидинджыты бæстытæ æмæ зæрдылдарæн лæвæрттæ. Уæ зæрдыл уын æрлæууын кæндзыстæм, æхсæнадон архайджытæ ма раздæр хæрзгæнджыты руаджы 30 æххуысцух бинонтæн самал кодтой хæдзары хъæугæ дзауматæ æмæ хойрæгты чыргъæдтæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv