Завод «Радуга»-йы байгом кодтой уæлæнгай монтажы ног цех

Завод «Радуга» Дзæуджыхъæуы аразы æфсæддон техникæ. Куыстуат бафæразыд 90-æм азты зын замантæн. Ныр дæр йæ куыст æнтыстджынæй кæны. Ныртæккæ дзы байгом кодтой уæлæнгай монтажы цех. Цæттæ дзы кæнынц мыхуыргонд плАтæтæ. Пайда дзы кæнынц метео æмæ аэропортты радиолокацион станцæты. Уымæй уæлдай, æфсæддон продукцийы арæзтады. Ацы цехы аразынц радиолокацион станцæтæн сæрмагнонд платæтæ. Кондад арзæт у авд къæпхæнæй. Нырыккон фадæтты руаджы сæ бон у цы фæнды кусæнгæрзтæ саразын. Цехы æппæт куыст дæр у автоматикон. Специалисттæ æрмæстдæр æмбырд кæнынмæ сæ цæст дарынц. Фыццаг уал æмтадгæнæн змæст ныккæнынц миксеры. Уым æй æддæмæ здахæн тыхы руаджы фездухынц æмæ йæм уый фæрцы фæзыны æнæмæнг хъæугæ бæрæггæнæнтæ. «Æмтадгæнæн змæст бацæттæ кæнынымæ уал йыл миксеры руаджы бакусынц. Сызмæнтынц æй. Стæй, уый фæстæ сæрмагонд кусæнгарзы згъæрæй конд хуызæг сфидар кæнынц», - Акционерон æхсæнад «Радугæ»-йы техникон хайады сæйраг инженер Дмитрий Дьяков. Платæйыл змæст куы ныккæнынц, уæд ыл хъæугæ хæйттæ фидар кæнын райдайынц. Специалисттæ куыд зæгъынц, афтæмæй ацы къæпхæны куыст ахджиаг у. Цæмæй куст куыд æбмæлы, афтæ баххæст кæнай, уымæн хъуамæ станокыл иттæг хорз арæхсай. Æмбæлгæ программæ дзы сæвæрай. Уый фæстæ платæ бавæрынц конвейерон пецы. «Æртæ хуызы температурæ дзы ис сæвæрæн ам. Платæ конвейерыл куы ацæуы, уæд хæйттæ æмтад кæнын райдайынц платæмæ», - Акционерон æхсæнад «Радугæ»-йы техникон хайады сæйраг инженер Дмитрий Дьяков. Кæронбæттæны продукцийы хæрзхъæддзинадмæ лæмбынæгæй æркæсынц. Микроскопы руаджы æркæсыны фадат вæййы бынтон лыстæг хæйттæм дæр. Заводы кусджытæ куыд зæгъынц, афтæмæй нырыккон кусæнгæрзты фæрцы къаддæр брак рауайы. Ног кусæнгæрзтæм æркæсынмæ заводмæ æрбацыд нæ республикæйы промышленность æмæ транспорты министр Хайдарбек Бутов. Цехы куыстæй разыйæ баззад. Куыд загъта, афтæмæй нæ республикæйы нырыккон технологитæм гæсгæ кондад кæй ис, уый ахджиаг хъуыддаг у. «Уæлдайдæр мæ фæбæрæг кæнын фæнды, проекты руаджы ног кусæн бынæттæ кæй фæзынд, уый. Уыимæ ма, ног дæсныйад дæр. Заводæн уый фадат дæтты ног æмвæзадмæ рацæуын. Кондады бæрц дæр фæфылдæр кæнын», - РЦИ-Аланийы промышленность æмæ транспорты министр Хайдарбек Бутов. Завод «Радугæ»-йы платæтæй пайда кæнынц метео æмæ аэропортты радиолокацион станцæты. Ракетон комплексты дæр сæ сæвæрынц. Ныр уал заводы кусджытæн æххуыс кæнынц Мæскуыйæ специалисттæ. Куыд фæбæрæг кодтой, афтæмæй заводы кусджытæм æмбæлгæ арæхстдзинад ис. Ног азы цех хъуамæ æххæстæй кусын райдайа. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv