Хицауады æмбырд

Хъæууон хæдзарады рæзтæн гранттæ æмæ субсидитæ дих кæныны системæ суыдзæн бæлвырддæр æмæ æнцон æмбарæндæр. Уый тыххæй абон хицауады æмбырды фехъусын кодта республикæйы хъæууон хæдзарады министр Уазиты Хъазыбег. Æппæт хъæугæ информаци гранттæ æмæ субсидитæ уарыны тыххæй æркасты алы къæпхæны дæр уыдзæн профилон кусæндоны сайты. Æмбырды архайджытæн уый тыххæй загъта республикæйы финансты министры хæстæ æххæстгæнæг Дзæгъойты Алан. Бюджеты æфтиæгты бæрц рæздзæн, хъалонты æмбырд кæныны политикæ раст арæзт куы цæуа, акцизтимæ нозт фылдæр куы уадзæм, стæй инвестицитæ регионмæ здæхт куы цæуой, уæд. Республикæйы куыст дæттыны комитеты сæрдар Платы Альбинæ та зæрдæ бавæрдта, сывæллонмæ кæсыны тыххæй ист отпусчы цы сылгоймæгтæ ис, уыдонæн дарддæр дæр æххуыс кæй кæндзысты, уый тыххæй. РЦИ-Аланийы куыстдæттыны комитеты сæрдар Платы Альбинæ: «Ацы азы 7-æм майы фидаргонд 204-æм уынаффæмæ гæсгæ, бæрæггонд æрцыд сывæллонмæ кæсыны тыххæй ист отпусчы цы сылгоймæгтæ ис, уыдоны куыстмæ исыны ног фæтк. Абон хицауады æмбырды æркастыстæм 606-æм уынаффæмæ. Уымæ гæсгæ, ацы куысты сæйраг хæстæ сты сывæллонмæ кæсыны тыххæй ист отпусчы цы сылгоймæгтæ ис, уыдонæн æмбæлгæ уавæртæ аразын. Кæд æгуыст адæмы къордмæ нæ хауынц, уæддæр сын æххуыс кæнæм». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv