СВЯТОЙ ПРЕПОДОБНЫЙ ИРИНАРХ, ЗАТВОРНИК РОСТОВСКИЙ.

Моя страница в ВК: https://vk.com/id630356924 #Православие, #Христианство, #русскийсвятой, #ПреподобныйИринархЗатворник, #ПреподобныйИринархРостовский, #житиясвятых, #житиеПреподобногоИринархаЗатворника, #житиеПреподобногоИринархаРостовского, #ПреподобныйИринархзатворникРостовский, #СвятойпреподобныйИринархзатворникРостовский Тропарь: Я́ко му́ченика добропроизво́льна и преподо́бных удобре́ние, звезду́ Росто́вскую, в затво́ре, у́зах и вери́гах Го́сподеви благоугоди́вшаго и чуде́с благода́ть от Него́ прие́мшаго, Ирина́рха преди́внаго пе́сньми хвале́бными почти́м и, к нему́ припа́дающе, уми́льно глаго́лем: о́тче преподо́бне, моли́ Христа́ Бо́га спасти́ся душа́м на́шим. Кондак: Волне́ний мно́жество жесто́ким житие́м преходя́, изгна́ние, затво́р и у́зы желе́зныя претерпе́л еси́ му́жески, Ирина́рше терпеливоду́шне, нам оста́вль о́браз злострада́ния и терпе́ния твоего́, озаря́я чуде́с блиста́ньми с ве́рою приходя́щих к честно́му гро́бу твоему́, у него́же, я́ко по́честь побе́дную, вери́ги твоя́ тя́жкие ви́дим, от ни́хже подае́ши исцеле́ния неду́жным. Сего́ ра́ди зове́м ти: ра́дуйся, Ирина́рше, о́тче преди́вный. Молитва: О преподо́бне о́тче Ирина́рше! Се мы мо́лим тя усе́рдно: бу́ди хода́тай наш при́сный, испроси́ нам, раба́м Бо́жиим (имена), от Христа́ Бо́га мир, тишину́, благоде́нствие, здра́вие и спасе́ние, и от всех враго́в ви́димых и неви́димых огражде́ние, покры́й же нас хода́тайством твои́м от нахожде́ния вся́ких бед и скорбе́й, па́че же от искуше́ний врага́ те́мнаго, да вси мы с тобо́ю прославля́ем всесвято́е и́мя Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.