Транскам байгом!

Хæдтулгæты æппæт хуызтæн дæр ыл дыууæ сахаты размæ ацæуыны бар радтой. Уый тыххæй фехъусын кодта Æнæнхъæлæджы уавæрты управленийы пресс-службæ. Куыд хъусын кодтам, афтæмæй йæ раздæр къуырийы сæхгæдтой боныхъæды аххосæй. Цæхгæр кæй фæхъармдæр, уый хохы фæхстæй фæндагмæ миты зæйтæ æргæр-гæр кæнын кодта. Цалдæр бонмæ дзы миты хъæпæнтимæ тохгæнæг сæрмагонд службæтæ барæй æрлæбырын кодтой дæсгай мин кубометртæ. Абоны онг техникæ куыста æнæсцухæй, ирвæзынгæнджыты æрвылбон сæ къæхтыл лæууын хъуыд 14 сахаты. Бафтаудзыстæм ма уый, æмæ Транскам байгом кæныны фæстæ Хуссар Ирыстоны цæрджытæ дæр цух нал æййафдзысты хъæугæ хойрæгтæ æмæ хостæй. Ахæм бæллæх сыл скодта цалдæр боны. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv