Дзæуджыхъæуы Хетæгкаты Къостайы номыл литературон-музыкалон мадзал

Абон Дзæуджыхъæуы Хетæгкаты Къостайы райгуырды 160 азы бонмæ сарæзтой литературон-музыкалон мадзал. Схуыттой йæ «Сылгоймаджы сурæт Къостайы сфæлдыстады», зæгъгæ Мадзалмæ æрбацыдысты Дзæуджыхъæуы скъолаты ахуырдзаутæ. Сывæллæттæ ацы бонмæ сæхи бæстонæй бацæттæ кодтой. Спектакльты скъуыддзæгты хуызы равдыстой Хетæгкаты Къостайæн канд йе сфæлдыстадон фæндаг нæ, фæлæ ма йæ царды фæзилæнтæ дæр. Уымæй уæлдай ма йын йе мдзæвгæтæ дæр бакастысты. Ирон æвзаг æмæ литерæтурæйы ахуыргæнджытæ скъоладзаутæн радзырдтой Хетæгкаты Къоста ирон адæмæн стыр лæггад кæй бакодта, уый тыххæй дæр. Ирон литерæтурæйы бындурæвæрæджы сфæлдыстад алы дуджы дæр ахсджиаг у. Дзæуджыхъæуы 13-æм скъолайы ирон æвзаг æмæ литературæйы ахуыргæнæг Мамытты Анетæ куыд зæгъы, афтæмæй сывæлæттæ сæхæдæг дæр тынг бирæ æмдзæвгæтæ бацæттæ кодтой. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv