Республикæйы ветеранты хæдзары Гадзиты Фузæйы чиныгæн презентаци скодтой

Республикæйы ветеранты хæдзары сарæзтой немыцаг æфсæддонты Дзæуджыхъæуы рæбын кæй ныппырх кодтой, уыцы бонимæ баст мадзал. Уазджыты йæ чиныгимæ «Осетия. Война у порога», зæгъгæ, базонгæ кодта Гадзиты Фузæ. Чиныджы равдыста Фыдыбæстæйы Стыр хæсты рæстæджы Дзæуджыхъæуы рæбын цы тох цыди, уый. Чиныг ныффыссынмæ пайда кодта музейы æрмæджытæ æмæ архивтæй. Национ музейы кадджын наукон кусæджы чиныг равдыстой фыдыбæстæйы стыр хæсты ветерантæн, æхсæнадон организацитæн æмæ хæсты чи фæмард, уыдоны ныййарджытæн. Уыимæ ма, сабырдзинадтауджыты рæнхъытæм кадджын уавæры райстой Дзæуджыхъæуы скъолаты ахуырдзауты. Сабитæ ард бахордтой, стæй сæрмагонд бæрæггæнæнтæ райстой. Хистæртæ та сын радзырдтой, куыд ахсджиаг у Фыдыбæстæ хъахъхъæнын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv