Гуманитарон æмæ социалон иртæстыты институты кусджыты схорзæхджын кодтой паддзахадон хæрзиуджытæй

Цæгат Ирыстоны гуманитарон æмæ социалон иртæстыты институты кусджыты схорзæхджын кодтой паддзахадон хæрзиуджытæй. Институты равзæрдыл 100 азы кæй сæххæст, уый фæдыл сын арфæ ракодта нæ республикæйы хицауады сæрдары хæдивæг Азымты Иринæ. Уый республикæйы сæргълæууджы номæй бакасти арфæйы фыстæг. Битарты Вячеславы ныхæстæм гæсгæ, институты кусджытæ Ирыстоны истори æмæ культурæйы æууæлтæ æргом æмæ парахат кæнынымæ егъау æвæрæн хæссын. Сæ наукон-иртасæн архайд зынгæ бынат ахсы куыд Цæгат Кавказы, афтæ Уæрæсейы дæр. Институты директор Хъаныхъуаты Зæлинæйæн саккаг кодтой Ирыстоны æппæты кадджындæр хæрзиуæг «Ирыстоны намысы майдан». Наукæйы сгуыхт кусæджы ном ныр хæссынц Айларты Светланæ æмæ Еленæ Кобахидзе. Цæгат Ирыстоны культурæйы сгуыхт кусæг та сси Дзлиаты Дзерассæ. Хицауады сæрдары хæдивæг институтæн ма балæвар кодта кадджын лæвар - историон æрмæг - Ирыстоны цæрджыты курдиат, сæ къухфысттимæ Иосиф Сталинмæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv