Мадæлон капитал фыццаг сывæллонæн райсыны тыххæй балæвæрдтой курдиат Пенсион Фонды хайадмæ

Мадæлты капитал - фыццаг сывæллонæн. Уæрæсейы Пенсион Фонды Дæуджыхъæуккаг управленийы кусджытæм фыццаг хатт æрбацыдысты мадæлты капитал райсынмæ. Ныхас цæуы цы ивддзинæдтæ йæм бахастой уый фæстæ уагæвæрдыл. Курдиат ныффыстой Урусты бинонтæ. Уæ зæрдыл уын æрлæууын кæндзыстæм, ныр мадæлты капиталæй спайда кæнæн ис канд дыккаг сывæллонæн нæ, фæлæ ма фыццаг кæмæн райгуырд, уыдонæн дæр. 1-æм январæй сси 466 мин 617 сомы. Уыимæ йæ райсæн ис æрмæст сывæллæтты хæдзарæй саби чи райста, уыцы бинонтæн. 2021-æм азæй фæстæ та сертификат дæттыны æмгъуыд 15 бонæй фæцыбыр кæндзысты 5 бонмæ. Сæрмагонд крдиатмæ æркасты рæстæджы æмгъуыд фæкъаддæр уыдзæн 1 мæйæ 10 боны онг. Мадæлты удæнцойæн сертификат уайтагъд райсæн ис электрон хуызы. 15 апрелæй фæстæмæ та курдиат уæвгæ дæр фыссын нал хъæудзæн. Пенсион Фонды регионалон хайæдтæ ноггуырдты тыххæй информаци исдзысты профилон уагдæттæй. Уыцы бæрæггæнæнтæм гæсгæ мадæлты капитал райсыны тыххæй уынаффæ хæсдзысты. Мадæлты капиталы федералон программæ кусдзæн 31-æм декабры 2026 азмæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv