Алайаг хъуыддаг

Цалынмæ нæ иу хæстон хъæбатырыл кинонывтæ исынц, уæдмæ та уал иннæмæн йæ фæд сабыргай æгуыдзæгдзинады фыдæй сæфы. Советон Цæдисы хъæбатыр Плиты Иссæйы райгуырæн къона фæстаг хатт цалцæггонд уыд 30 азы размæ. Уый фæстæ ма йæм цалдæр хатты рог хуызы базылдысты, фæлæ бындуронæй - афтæ дæр нал. 2012-æм азы дзы сног кодтой кусæнуæттæ, баивтой электрон тыхдæттæг системæ, ивд æрцыдысты дондзæуæн хæтæлтæ. Фæлæ цыбыр рæстæгмæ уарынты аххосæй уавæр ноджы зæрдæхсаинагдæр сси. Æддаг къулыл фæзындысты зыхъыртæ. Мидæгæй дæр йæ бакаст хуыздæр нæу. Уымæлы тæфæй дзы бахизæн нæй. Царæн уый аххосæй йæ сæрстытæ æргæр-гæр кодтой. Уарыны дон кæдæм фæцæуы, уый дæр у сыгъдæггæнинаг. Национ музейы директор Къубалты Валерийы хъæппæрисæй июны уынаффæ рахастой музей сæхгæныны фæдыл. Гуыдыры фæстæ аззадысты экспонатты æхсæз залы. Ныр уавæр бынтон ныззаууат - бæстыхай ныккæлынгæввонг ссис. Уый нæ, фæлæ ма бацæуæны дуар дæр йæхиуыл тыххæй хæцы. Хи хъарутæй музейы кусджытæн хъуыддаг аивын зын у. Сæ ныхæстæм гæсгæ, бæстыхайы æвæстиатæй райдайын хъæуы цалцæггæнæн куыстытæ бакæнын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv