Мариинаг театры филиалы ацыд инæлар-фельдмаршал Александр Барятинскийы номыл музыкалон изæр

Мариинаг театры филиалы ацыд инæлар-фельдмаршал, князь Александр Барятинскийы номыл концерт. Уæрæсейы 19-æм æнусы зындгонд паддзахадон æмæ æфсæддон архайæг Александр Барятинскийы фæрцы Дзæуджыхъæуæн радтой горæты ном. Историон-музыкалон концерты фехъусæн уыд Мариинаг Театры æрыгон зарæггæнджыты Академийы солистты хъӕлӕстӕ. Азæлыдысты 19-æм æнусы музыкалон уацмыстæ. Мадзал у, «Из летописи Владикавказа», зæгъгæ, музыкалон изæрты иу хай. Йæ сæйраг хæс – горæты райрæзтмæ стыр æвæрæн чи бахаста, уыдоны нæмттæ ма рох кæнын. Мадзал аразæг – Уæрæсейы адæмон артисткæ Гергиты Ларисæ. _________________________ Мы рядом в: vk.com/irystontv ok.ru/irystontv youtube.com/irystontv zen.yandex.ru/irystontv t.me/irystontv