Амстердамы тæрхондон уынаффæ рахæсдзæн скифаг сызгъæрины тыххæй

Амстердамы аппеляцион тæрхондон уынаффæ рахæсдзæн скифаг сызгъæрины хъуыддаджы фæдыл. Уый тыххæй хъусын кæны информацион агентад РИА Новости. Куыд зонут, афтæмæй скифаг сызгъæрины коллекци Хъырымы 4 музейæ раластой Амстердамы Аллард Пирсоны музейы равдыстмæ 2014 азы февралы. Хъырым уæд нырма уыдис Украинæйы хай. Фæстæдæр Уæрæсе æмæ Украинæ быцæу кодтой, коллекци дзы кæй у, ууыл. 2016-æм азы декабры Амстердамы тæрхондон уынаффæ рахаста коллекци Украинæйæн радтын. Хъырымы музейтæ уыцы уынаффæйы фæстæ аппеляци балæвæрдтой. Аппеляцимæ кастысты афæдзы дæргъы. Амстердамы чи бафæстиат, уыдоны 'хсæн сты сызгъæринæй конд дзауматæ æмæ зынаргъ дуртæ. Коллекци раздахыны хъуыддаг ныддæргъвæтин, Хъырым Уæрæсейыл кæй бафтыд, уый аххосæй. Амстердамы тæрхондонæн уый закъон нæу. Сæ раздæры фæндмæ гæсгæ, хъуамæ сызгъæрин раздахой Киевы историон музеймæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv