Дзæуджыхъæуы сараздзысты сæрмагонд карта, зынтæй чи цæуы, уыцы адæмæн

Дзæуджыхъæуы сараздзысты сæрмагонд карта, зынтæй чи цæуы, уыцы адæмæн. Картæйыл бæрæггонд уыдзысты къахвæдæгтыл æнæ къуылымпытæй ацæуæн кæм нæй, уыцы бынæттæ. Стæй æнæзакъонæй арæзт уæлæмхасæн бæстыхæйттæ. Дзæуджыхъуы хиуцауад фæнд рахаста ахæм бынæттæ фæбæрæг кæнын картæйыл алы хуызтæй, ома сæ риссагдæр бынæттæм гæсгæ. Уый тыххæй фехъусын кодта Дзæуджыхъæуы муниципалон сконды сæргълæууæг Икъаты Русланбек. Картæйыл кусын райдайдзысты 2020 азы. Ныртæккæ мад, йæ сывæллон коляскæйы афтæмæй, бирæ бынæтты æнцонтæй нæ ацæудзæн. Йе 'нæниздзинад хъыгдæрд кæмæн у, уыдонæн бынтон зын у. Цы пандустæ ис горæты, уыдоныл спорстмен дæр зынтæй схиздзæн. Уавæр фæхуыздæр кæныныл бакусдзысты горæты цæрджытимæ иумæйагæй. Горæты ма сараздзысты велосипедыл цæуынæн сæрмагонд фæндæгтæ. Икъаты Русланбек куыд фæбæрæг кодта, афтæмæй бирæты бафæндид хæдтулгæты бæсты велосипедтыл цæуын. Абон горæты велосипедыл зынтæй ацæуæн ис. Хæдтулгæты размæ фæндагмæ рахизын бахъæуы. Кæнæ, велосипед хæдтулгæйы сæвæрын æмæ æдас ран ссарын. Картæйы фæзындимæ хъуыддаг хъуамæ фæхуыздæр уа. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv