Чи - куыд?

Абон райсомæй Мичуриныхъæуы спиртзаводы цур æрæмбырд сты, бирæ азты дзы чи фæллой кодта, уыцы кусджытæ. Æрæджы базыдтой куыстуат фехалынмæ кæй хъавынц, уый. Адæм хъаст кæнынц: иуæй сæ куысты бынæттæй фæхаудысты, иннæмæй та сын уавæр куыд уыдзæн, уый бæлвырд ничи æмбарын кæны. Хæрзæрæджы дæр ма завод уыд кусæнгæрзæй ифтонг, ныр дзы ницыуал ис. Ныртæккæ куыстуаты сты Уæрæсейы карз нозтмæ цæстдарæн управленийы минæвæрттæ, Æрыдоны райдоны администрацийы сæргълæууæг – Тотраты Владислав æмæ иннæ бæрнон кусджытæ. Адæмы æмæ хицаудзинады оргæнты кусджыты ныхас кæрæдзиуыл нæ бады. Карз нозтмæ цæстдарджытæ зæгъынц завод хъæуы райхалын. Кусджытæ та уыимæ разы не сты. Сæ зæрдæ дардтой бæстыхай фидæны кæй рацараздзысты, ууыл. Куыд сæм кæсы, афтæмæй хъуыддаг нырма бæлвырдгонд нæу, ис дзы фарстатæ æмæ сæ хъæуы биноныгæй равзарын. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv