Цæгат Ирыстоны иугонд командæ каратейæ æнтыстджынæй йæхи равдыста

Цæгат Ирыстоны иугонд командæ каратейæ æнтыстджынæй йæхи равдыста Цæгат Кавказы федералон зылды ерысты. Турнир уыдис 6-7 апрелы Грознайы. Сæ арæхстдзинад дзы равдыстой 200 спортсменæй фылдæр. Сæйраг тренер Хъараты Мараты ныхæстæм гæсгæ, турнир кæд хуымæтæг нæ уыд, уæддæр цæгатирыстойнаг спортсментæн сæ къухы бафтыд стыр æнтыстдзинад. Нæ спортсменты хæрзиуджыты голладжы фæзынд 12 майданы. 7 бронзæ, 4 æвзист æмæ иу сыгъзæрин. Ныр спортсментæ сæхи цæттæ кæндзысты Уæрæсейы ерыстæм. Уыдзысты апрелы кæрон. Нæ каратисттæй æнхъæлмæ кæсæм ног уæлахизтæм. «Бæргæ, æнхъæлмæ кастыстæм фылдæр уæлахизтæм, нæ чемпионтæ хъуамæ фылдæр уыдаиккой. Сыгъзæрин майдантыл нæ зæрдæ дардтам, фæлæ афтæ рауад, æмæ дзы иу йеддæмæ нæ къухы нæ бафтыд. Нæ хъомылгæнинæгтæ сæхи бæстонæй цæттæ кæнынц фидæны ерыстæм, сæхиуыл нæ ауæрдгæйæ. Мæнмæ гæсгæ сын алцыдæр рауайдзæн», - зæгъы Караев _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv