Инновацитæн фæндаг

Биотехнологон кластеры райрæзтыл абон дзырдтой Дзæуджыхъæуы. Стратегион æмбырды архайдтой алыхуызон бизнес-æхсæнадты æмæ центрты минæвæрттæ. Конференцийы архайджыты сæйраг хæс - президенты хъæппæрисæй арæзт паддзахадон программæйыл бакусын. Сæрмагондæй биофармацевтикæ æмæ биомедицинæйы фарстатыл. Куыст арæзт уыдзæн социалон-экономикон райрæзтыл. Фыццаг сесси уыд июны Пятигорскы. Йæ аразджыты ныхæстæм гæсгæ, проект цæмæй æххæстгонд æрцæуа республикæйы, уый тыххæй хъæуы куыстадон æмæ инновацион бындур. Программæйы проект хъуамæ сцæттæ уа октябрмæ, уый фæстæ йæ царды уадзын райдайдзысты. Феликс Гадзауты: «Нæ фыццаг æмбырды нæ раз сæвæрдтам бирæ хæстæ. Зæрдæ дардтам, федералон бюджетæй нын æхцайы фæрæзтæ кæй радих кæндзысты, ууыл. Фæлæ куысты мидæг уавæртæ ивынц конферецийы аразджыты æмæ регионалон командæты рдыгæй дæр. Ныртæккæ сæрмагондæй нæ тыхтæ арæзт сты иу проектыл - биоэтанол уадзыныл». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv