Коммуналон хæдзарады фиддонтæ æмæ бензины аргъ фæфылдæр уыдзысты

1-æм июлæй фæстæмæ аивдзысты коммуналон лæггæдты фиддонтæ. Кæй зæгъын æй хъæуы, бæрзонддæры рдæм. Нысанмæ гæсгæ сыл бафтдзæн 2 æнæнхъæны æмæ 4 дæсæм хай проценты. Раздæр уал, 1-æм январы фиддонтыл бафтыд 1 æнæхъæны æмæ 7 дæсæм хай проценты. Ахæм хъæппæрис бакодта Уæрæсейы экономикон райрæзты министрад, аргъыл уæлæмхасæн æфтуан кæй фæфылдæр ис, уымæ гæсгæ. Уæвгæ, амынд куыд у, афтæмæй æмткæй райсгæйæ фиддонты рæзт хъуамæ инфляцийы 4 процентæй бæрзонддæр ма уа. 1-æм июлы ма фæуыдзæн, Уæрæсейы Хицауад æмæ нефты куыстуæттæ цы бадзырд бафыстой, уый хъомыс дæр. Амынд дзы куыд уыдис, афтæмæй хъуамæ артаджы æргътыл ма `фтыдаид фарон майы мæйæ абоны онг. Нефты корпорацитæ бадзырдмæ гæсгæ хъуамæ артаг уæй кодтаиккой 2 проценты фылдæр. Закъоны бындурыл та ма нефты экспортыл хъуамæ уæлæмхасæн хъалон сæвæрдтаиккой. Ныр куыд зæгъынц Хицауады уæнгтæ, афтæмæй бадзырды хъомыс дарддæр кæнынæн æфсæнттæ нал ис. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv