Ахуырады райрæзтæн

Технопарк «Кванториум» цалдæр мæйы æнтыстджынæй кусы Дзæуджыхъæуы. Фидæны инженерты 'хсæн у уæлдай кадджын. Нырыккон технологитæм гæсгæ сабиты ахуыр кæнынц лæвар. Проект баххæст кæнын бантыст ахуырады райрæзты фонды руаджы. Кванториумм бабæрæг кодта фонды сæргълæууæджы хæдивæг Антон Тимкин. Разыйæ баззад æви нæ, уый базыдта нæ уацхæссæг. Фыццаг къахдзæфæй дæр Кванториумы æвæджиауы мидахаст банкъарæн ис. Раст цыма зонадмæ къæсæр у, уыйау. Ахуырдзаутæ дзы 6 къæпхæнмæ гæсгæ ахуыр кæнынц: биоквантум, хай-тек, лаборатори, робоквантум, куыстадон фæлыст, АйТи-квантум æмæ аэроквантум. Дзырдæн зæгъæм, æмæ аэроквантум фæсивæды `хсæн тынг кадджын у. Фидараты Герман ацы ран ис йæ фыццаг бонæй фæстæмæ. Афтæ зæгъы, кæдæй-уæдæй, дам, цæмæ тырныдтон, уый мæ къухы бафтыд. Цæуыл сахуыр, уый та ныр равдисдзæн радон конкурсы Цæцæны Республикæйы. Фидараты Гермæн, «Кванториум»-ы ахуырдзау: «Кванториум»цы бон байгом, уæдæй нырмæ архайын ам. Бирæ ног хъуыддæгтæ базыдтон, ног кусæнгæрзтимæ дæр кусæм. Раздæр мын ахæм фадæттæ нæ уыд. Ам фембырд кæнæм квадрокоптертæ. Ныртæккæ та нæхи цæттæ кæнæм ерыстæм. Сараздзысты сæ Цæцæны». Сывæллæттæ цытæ кусынц, уымæн аргъ скодта ахуырады ног хуызты райрæзты Фонды генералон директоры хæдивæг Антон Тимкин. Цæгат Ирыстонмæ `рцыд сæрмагондæй, фæндыд æй нæ республикæйы «Кванториум»-ы куыстимæ базонгæ уæвын. Куыд загъта, афтæмæй ацы технопарчы æрæмбырд сты, цыдæриддæр нысан кодтой, уыцы проекттæ. Кусын та йыл æртæ азы размæ райдыдтой. Антон Тимкин ма радзырдта, Цæгат Ирыстоны сæххæст кæнынæн цы фæндтæ хæссынц сæ зæрдæйы, уыдоны тыххæй. Фонд у национ проект «Ахуырад»-ы оператор. Фæзындзысты ма дзы мобилон технопарктæ дæр. Уый ахуыр кæнынæн фадат ратдзæн, суанг дæрддзæф хъæуты чи цæры, уыцы сывæллæттæн дæр. Уыимæ тæккæ нырыккондæр домæнтæм гæсгæ. Уымæй уæлдай ирыстойнаг «Кванториум»-ы бындурыл хъуамæ райдайой дæсныйад æвдисæг ахуыртæ сыхаг регионты кванториумты кусджытæн. Фæхуыздæр уыдзæн коррекцион скъолаты материалон-техникон ифтонгдзинад дæр. Сараздзысты рагагъоммæйы дæсныйадон цæттæдзинады центрты уæрæх хызæг. «Кванториум» та суыдзæн тæккæ нырыккондæр ахуырадон системæйы бындур. Уазиты Зæлинæ _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv