Цæгат Кавказы туризмы рæзты пълан хъуамæ сфидар кæна Уæрæсейы хицауад

Ныр канд Цæгат Ирыстон нæ, фæлæ ма æгас Цæгат Кавказы республикæты туризмы райрæзтыл ныхас кæнынц регионалон æмæ федералон хицауады уæнгтæ. Сарæзтой сæрмагонд æмбырд. Архайдтой дзы æхсæнадон æмæ наукон кусджытæ дæр. Снысан кодтой Туризмы райрæзты пълан. Æрвыст æрцæудзæн Уæрæсейы хицауадмæ, цæмæй йæ сфидар кæной. Уый тыххæй фехъусын кодтой Цæгат Кавказы хъуыддæгты фæдыл министрады. Уым куыд зæгъынц, афтæмæй хъуыды кæнынц 2035-æм азмæ Цæгат Кавказы регионты мидАрæнты туризмы рæзты стратегийыл. Цæгат Кавказы хъуыддæгты фæдыл министры хæдивæг Одес Байсултановы ныхæстæм гæсгæ, ацы хъуыддаг хъаумæ инвестицион политикæ зынгæ фæхуыздæр кæна. Стратегийыл кусы сæрмагонд къамис. Сæ бæрæггæнæнтæм гæсгæ, æдæппæттæй Цæгат Кавказы фысымуæтты, отельты æмæ хостелты нымæц 2017 азы уыд 791. Гæнæн ис, æмæ сæ нымæц 2024-æм азмæ суа 99 мины бæрц, 2035-æм азмæ та 271 минæй фылдæр. Инвестициты бæрц дæр хъуамæ фæфылдæр уа 978 милуан æмæ 600 мин сомæй - 3 миллиардмæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv