Доныскъæфæнтæ

Цæгат Ирыстоны диныл хæст адæм сæхи цæттæ кæнынц чырыстон сæйрагдæр бæрæгбæттæй иумæ - Хуыцауы Дзуарæфтыдмæ. Ирон адæм æй хонынц Доныскъæфæнтæ. Ахсæв Алайнаг æмæ Дзæуджыхъæуккаг алчыр Леонид Сыгъдæг Георгийы номыл аргъуаны адæмыл дзуæрттæ бафтаудзæн. Аргъуыд райсæн уыдзæн сылгоймæгты æмæ нæлгоймæгты Алайнаг моладзандонты. Ацы аз Дзæуджыхъæуы уд æмæ буар ссыгъдæг кæнæн бынæттæ нæй. Республикæйы районты сæ байгом кодтой. Дзæуджыхъæуы Сыгъдæг Георгийы номыл аргъуаны сæумарайсомæй къах бавæрæн дæр нæй. Чырыстон диныл хæст адæм сæхи стыр бæрæгбонмæ цæттæ кæнынц. Гуырцъыты Оксанæ алы аз бæрæгбоны мадзæлттæм æрбацæуы. Уырны йæ, ацы бон йæ буар æмæ йæ уд кæй ссыгъдæг кæндзæн. Республикæйы моладзандонты райсом æнæхъæн бон адæм сæхи аргъуыд доны найдзысты. «Фылдæр адæм сæмбырд вæййынц нæлгоймæгты Алайнаг моладзандоны. Уым æппæт хъæугæ мадзæлттæ саразынц. Сылгоймæгты моладзандоны дæр дыууæ найæн бынаты саразынц», - Дзæуджыхъæуы æмæ Алайнаг епархийы пресс-службæйы разамонæг Баймæтаты Ольгæ. Аргъуд райсæн ма уыдзæн Фыййагдон æмæ Дигорайы цæугæдæтты, хæххон Санибайы Хъæриудоны, стæй ма Бирæгъзæнджы тæвдонты. Ам диныл хæст адæмæн сæ бон уыдзæн сæхи цынайын. Фæлæ дохтыртæ адæмы зæрдыл лæууын кæныц цæмæй ихджын доны нынаййыны размæ низджын адæймæгтæ сæхи дохтыртæн равдисой. Цалдæр сахаты фæстæ райдайдзысты бæрæгбоны мадзæлттæ. Фарон нæлгоймæгты Алайнаг моладзандоны къух бакæнæн нæ уыд, æрæмбырд дзы сты мингæйттæй. Ацы аз дæр та æнхъæлмæ кæсынц адæммæ. Уымæй уæлдай ма сыхаг регионтæй дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv