Бæрæгбонмæ цæттæ

Æппæт бæстæйы цæттæ кæнынц Уæлахизы бонмæ. Регионты райдыдтой парадмæ репетицитæ аразын. Афтæ - Цæгат Ирыстоны дæр. Абон Дзæуджыхъæуы уыд парады сæйраг репетици. Сабырдзинады фæзы сæумæрайсом 58-æм æфсады хайæдты службæгæнджытæ, Цæгат Кавказы Суворовы номыл училищæйы хъомылгæнинæгтæ, Дзæуджыхъæуы 44-æм скъолайы æмæ республикон æфсæддон патриотон хъомылады центры æрыгон æфсæддонтæ - парады архайджытæ - кадджын цыдæй рараст сты. Æдæппæтæй 2 минмæ ввахс адæймаджы. Кæронбæттæны фæзыл фæзындысты æфсæддон техникæйы 45 иуæджы дæр. Се `хсæн бирæвæрсыг хæдтулгæ «Тигр»-тæ. Уымæй уæлдай ма ракетон комплекс «Искандер-М». Парады репетицийы ма архайдтой Фыдыбæстæйы стыр хæсты ветерантæ дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv