36 фелшырон акушерон пункты сцалцæг кæндзысты Цæгат Ирыстоны

Ацы аз Цæгат Ирыстоны сараздзысты æмæ сцалцæг кæндзысты 36 фелшырон-акушерон пункты. Ног дзæбæхгæнæндæттæм республикæйы æнхъæлмæ кæсынц 20 хъæуы. Зæронд бæстыхæйттæ заууатмæ æрцыдысты. Уый диссаг нæу, уымæн æмæ арæзт æрцыдысты ивгъуыд æнусы 30-æм, 50-æм æмæ 60-æм азты. Дзуапп нал дæттынц нырыккон арæзтадон, санитарон-эпидемиологон æмæ зынгсирвæзты ныхмæ æдасдзинады домæнтæн. Амбулаторитæ æмæ фелшырон-акушерон пункттæ рацараздзысты нацпроект «Æнæниздзинад хъахъхъæнынад» æмæ «Медикон-санитарон фыццаг æххуыс бакæныны системæйы райрæзт»-ы регионалон проекты фæлгæты. Ног фелшырон-акушерон пункттæ фæзындзæн 25 хъæуы, 11 бæстыхайы та бындуронæй рацараздзысты. Куыстытæ цæудзысты Мæздæджы, Алагиры, Æрæфы, Рахизфарсы, Горæтгæрон, Æрыдоны районты æмæ Дзæуджыхъæуы. Фелшырон-акушерон пункттæ æнæмæнг хъуамæ уой сæдæйæ 2 мин адæймаджы онг кæм цæры, ахæм хъæуты. Уымæй къаддæр æмæ дæрддзæф хъæутæм та фæткмæ гæсгæ цæудзысты мобилон пункттæ. Раздæр уын куыд хъусын кодтам, афтæмæй æнæниздзинад хъахъхъæнынады бæстыхæйтты бындурон рацарæзтыл республикæйы сæргълæууæг Битарты Вячеслав ныхас кодта Уæрæсейы премьер Дмитрий Медведевимæ. Уымæ гæсгæ 2023-æм азмæ республикæйы базилдзысты 43 фелшырон-акушерон пунктмæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv