Ног гæнæнтæ

Гъер, бæлвырддæр аныхас кæнæм цы ног зайæгойы тыххæй рацыд ныхас, ууыл. Спаржæ. Фыццаг бакастæй хъонхорайы хуызæн, фæлæ æндæр зайæгой у. Спаржæ нæ республикæйы æнæуи дæр зайы. Фæлæ хъæдты. Пайда дзы кæнынц æрмæст флористтæ. Хæрынмæ нæ бæззы. Фæлæ нæм кæд хъæддаг спаржæ фæхæцыд, уæд хæрынæн чи бæззы, уый дæр хорз хъуамæ зайа. Ныридæгæн нæм спаржæйы быдыртæ фæзынд. Проект зæрдæмæдзæугæ у. Специалистты хъуыдымæ гæсгæ фидæны хорз бæркад ратдзæн. Ныр ма уал ацы халсар æндæр рæттæй ласынц. Уæвгæ, спаржæ æппæт дунейы дæр парахат у. Хаст у пайдайаг халсарты номхыгъдмæ. Уæлдай арæхдæр йæ фенæн ис йе нæнизинадмæ куыдфæндыйы цæстæй чи нæ кæсы, уыдоны фынгтыл. Спаржæйы куыст кæнынæн цыбыр рæстæгмæ сарæзтой дон пырхкæнæн системæ. Ныртæккæ та архайынц ацы зайæгойы хуызтæ фæфылдæр кæныныл. Нырма уал 5 хуызы ныссагътой - тагъд Рæгъæдгæнæн æмæ фæззыгон сорттæ. Сæ иу сæйраг у, иннæтæ та уал фæлварынц. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv