2024-æм азы 1-æм январæй 30-æм июньмæ 1,2 млрд айчы онг нæ бæстæмæ ласыны бар уыдзæн æнæ хъалонæй

Уæрæсейы хъæууон хæдзарадмæ цæстдарды управленийы специалисттæ сæ цæст æрдардтой Азербайджанæй ласт æйчыты радон партимæ. Æдæппæтæй Уæрæсемæ фæхæццæ кодтой 1,5 милуан айчы. Сæ ,аргъ ныртæккæ дæр ма нæ бæстæйы у ахсджиагдæртæй иу. Фæзынаргъ сты адæм сæ фылдæр æлхæнын æмæ агурын кæй байдыдтой, хицауад та йæ рæстæгыл импорт кæй нæ байгом кодта, уый тыххæй. Уæдæ логистикæ дæр ацы хъуыддаджы уыд вазыгджын. Уый тыххæй не 'сфæлдыстадон къордæн радзырдтой республикæйы экономикон рæзты министрады. Цы аххосæгты кой скодтам, уыдонæй уæлдай ма мæргъты цалдæр фабрикæйы рабæрæг кодтой низ. Специалистты ныхæстæм гæсгæ, Ног азы фæстæ карчы æйчыты аргъ хъуамæ æрхауа. Уый уымæн æмæ импортæн хъалон кæй айстой. 2024-æм азы 1-æм январæй 30 июнмæ министрты кабинет бар радта æнæ хъалонтæй нæ бæстæмæ 1,2 миллиард айчы онг ласынæн.