Дзæуджыхъæуы 40-æм скъолайы арæзт æрцыд акци «Женское лицо Победы»

Хæсты хъайтартæ æрмæст нæлгоймæгтæ не сты, фæлæ ма сылгоймæгтæ дæр. Ахæм хъуыдыйыл хæст сты Уæрæсейы сылгоймæгты æхсæнадон регионалон хайады уæнгтæ. Уыдоны фæрцы Дзæуджыхъæуы 40-æм скъолайы арæзт æрцыд акци «Женское лицо Победы»,-зæгъгæ. Бацæттæ йæ кодтой сæрмагондæй Фыдыбæстæйы Стыр Хæсты Уæлахизы 75 азы кадæн, æмæ советон тæхæг, хæсты архайæг Валентина Гризодубовайы 110 азы райгуырæн бонмæ. Фыдыбæстæйы Стыр Хæсты архайæг Валентина Гризодубова советон рæстæг уыд антифашистон комитеты сæрдар. Ацы аз йæ номыл нысангонд æрцыд сæрмагонд майдан. Валентина Тихонова, Уæрæсейы сылгоймæгты æхсæнады Цæгат-Ирыстойнаг хайады сæрдар: «Ацы равдыст сæрмагондæй арæзт у скъоладзаутæн. Цæмæй уыдон æмбарой, фыдыбæстæйы стыр хæсты уæлахиз нæ къухты куыдæй бафтыд, уый. Æмæ ма уымæй уæлдай хæсты цы сылгоймæгтæ архайдтой, уыдоны ном дæр ссарын. Æрмæст валентина гризодубовайы номыл арæзт нæу ацы равдыст, фæлæ ма советон тæхæг, фыдыбæстæйы стыр хæсты архайæг дауыраты илитæйы номыл дæр». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv