Цхинвалы байгом кодтой, æххуысцух чи у, ахæм адæмæн сæрмагонд хæрзаудæн дукани

Уæлдæйттæ кæмæ ис, уый йæм æрбахæссы куыд дæрдджын, афтæ ног уæлæдарæс дæр. Йæ бон зынаргъ дуканитæ æмæ базарты æлхæнын кæмæн нæу, уыдонæн ацы уæйгæнæн ран хорз æххуыс у. Раст сын æцæг удыбæстæйы хуызæн рауад. Чи йæм баздæхы æмæ кæмæн пайда у, уый бæлвырддæр радзурдзыстæм нæ дарддæр æрмæджы. Раздæрау спайда кодтам паддзахадон телерадиокомпани «Ир»-ы ист кадртæй. Дукани «Рухсы тын» йæ тынтæ айтыгъта æнæхъæн Цхинвалыл. Байгом æй кодтой æфснайæн банчы раздæры бæстыхайы. Фыццаг кæй уыдис, уый руаджы йæ кой уайтагъд æгас горæтыл айхъуыст. Мæй дзы иу хатт алкæмæн дæр йæ бон у дзаумæттæ рахæссын. Дукани ныр мæйæ фылдæр кусы. Уыцы `мгъуыдмæ баххуыс кодта сæдæгай æвадат адæмæн. Канд уæлæ- æмæ къахыдарæс нæ хæссынц ардæм, фæлæ ма æндæр дзауматæ дæр. Ахæм дукани Цхинвалы кæй байгом, уый хорз хъæппæрисыл банымадта Хуссар Ирыстоны сæргълæууæг Бибылты Анатолий дæр. Йæхæдæг дæр иуварс нæ баззад хорз хъуыддагæй. Бавдæлд, æмæ йæ президентон фондæй йæхæдæг дæр радих кодта æхца дуканийæн ног дзаумæттæ балхæнынæн. Дардджын чи нæу, ахæм дзаумæттæ ма `рбахæссынц Цхинвалы иннæ дуканиты хицæуттæ дæр. Уæвгæ, йæ бон кæмæн у дзаумæттæ дуканимæ `рбахæссын, уыдонмæ дæр æнхъæлмæ кæсынц. «Нагъ» никæмæн зæгъдзысты æххуысгæнджытæй. Дукани бирæ æвадат адæмæн сарæзта сæ къух. Дарддæр дæр сын æххуыс кæй кæндзæн, ууыл йæ бындурæвæрджытæ архайдзысты. Хъулаты Юрий _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv