Карантин скъолаты

Скъолаты æмæ рæвдауæндæтты карантин ахæсдзæн 26-æм февралмæ. Уый тыххæй фехъусын кодтой республикæйы ахуырады министрады. Ахæм уынаффæ рахаста фæлхасгæнджыты бартæ хъахъхъæнæг оргæн. Куыд рабæрæг кодтой, афтæмæй скъоладзаутæн сæ 20% фылдæр ахуырмæ нæ цыд. 14 февралæй абоны онг та республикæйы дзæбæхгæнæндæттæм æххуысмæ бахатыд 3 мин адæймагæй фылдæр. Æнæниздзинад хъахъхъæнынады министрады грипп æмæ æхснырсæгæй рынчынты нымæцы тыххæй бахъуыд карантин расидын. Специалистты ныхæстæм гæсгæ, рынчынтæ фылдæрæй-фылдæр кæнынц. Низ цæмæй дарддæр ма парахат кæна, уымæн аразынц æппæт хъæугæ мадзæлттæ дæр. Скъоладзаутæ ахуырмæ рацæудзысты 27-æм февралы. Карантин ахуыры фæткмæ стыр къуылымпыдзинæдтæ нæ бахаста. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv