Æфсæддон службæмæ уалдзыгон æрсидт фæуыдзæн 15-æм июлы. Ног æфсæддонты 10 къорды ныртæккæ сæхи цæттæ кæнынц, службæ кæм кæндзысты, уыцы бынæттæм цæуынмæ. Цæгат Ирыстонæй службæ кæнынмæ ныридæгæн ацыдысты 600 адæймагæй фылдæр. Æмткæй райсгæйæ, ацы æрсидты кампанийы æфсадмæ нæ республикæйæ араст уыдзæн 900 адæймагмæ хæстæг. Æфсæддон комиссариаты куыд фæбæрæг кодтой, афтæмæй бынæттæм æрвитыны размæ фæкæсынц æрыгон лæппуты медицинон бæрæггæнæнтæм, стæй фæхъусынц сæ курдиаттæм.